跳至主内容
平安大楼
平安大楼
复修前 复修後

平安大楼

油尖旺

家住油麻地平安大楼、身兼业主立案法团主席的江太,有见住了三十多年的大厦年事已高,问题多多,一直想「执番正栋楼」,但苦无军师指点,不知从何入手。「啱啱知道政府系2009年搞个咗『楼宇更新大行动』,一心谂住每户有$16,000资助,长者仲有$40,000添,咁著数梗系申请啦!」遂与其他业主商量参加计划,找一个可靠的顾问公司同承建商翻新楼宇,怎知…… 

招标得个吉
「参加『楼宇更新大行动』嘅大厦要跟住本《工程维修指引》进行维修,本嘢成60页,睇见都头痕!我哋法团开会倾咗好多次,至登到报纸拣到个顾问。本来已准备好签约,咁啱果阵时见市建局同廉正公署搞咗个关於专业诚信工程管理简介会,我哋咪派人去听下罗,廉署代表叫我哋留意吓顾问公司收取嘅费用系唔系响一个合理嘅水平。如果唔系就会有较大嘅围标风险。我哋听完,谂谂吓发觉自己大厦嘅情况同廉署讲嘅好相似,所以就叫咗市建局果边同我哋开会研究。市建局提供咗好多市场资讯,仲帮手讲解如何分析顾问公司嘅人力架构同收费等,发觉有啲顾问公司嘅收费完全唔合理!最终我哋法团决定揾过第二间,最惨系要重新登过报纸,由头搞过,激死人!」

低价抢标风险高
「我地嘅职责系为申请咗『楼宇更新大行动』嘅法团提供有关嘅技术支援及资助。当法团揾我哋开会时,我哋会同法团分享番啲市场资讯,协助佢哋做标书分析,好像平安大楼的个案,我哋做好分析之后发现有专业人士每个钟头收费仲低过最低工资廿八蚊,於是我哋即时向法团解释咩叫唔合理嘅收费,同埋围标嘅风险等,并建议江太及法团小心考虑。」负责处理平安大楼申请的市建局楼宇复修部助理经理李世忠道。

所谓低价回标或低价抢标,是指有些顾问公司为了更容易得到顾问合约,往往以大大低於市价的价落标,在得到合约后有机会再在其他地方赚回差价,例如在工程承办商进行投标时,从中协议标高工程价目。一般情况下,法团往往会被较低的顾问收费所吸引,但往后却可能需要支付非常高昂的工程费用,得不偿失!

听过局方的分析及衡量过有关风险,江太决定联同业主作第二次招标,希望找到忠诚可靠的顾问公司,尽快搅番掂幢楼。

第二次触礁
「第二次招标收到啲顾问公司报价,发现标价差距好大,由唔够二万蚊到几十万不等,法团今次参考咗市建局嘅意见,为所有投标者嘅报价同埋公司人力架构做分析,首先剔除收费唔合理嘅公司,跟住经几轮面试,然后开业主大会拣咗个顾问公司出嚟,谂住今次终於搞掂啦,系签合约前循例都将份顾问合约送去俾市建局睇吓,点知佢哋又话有啲意见比我哋考虑,心谂唔通今次又有问题?」

「我哋发现法团拣嘅顾问公司所聘用嘅认可人士,同时又系另一间注册承建商嘅获授权签署人。顾问公司及认可人士嘅职责系协助法团招聘建筑承建商进行维修,身份理应处於中立位置,若顾问公司与某些 承建商有直接关系,可能会影响佢中立嘅身份,亦有可能影响招标公平性。」李世忠道。

「听完市建局意见之后,我哋梗系对果间公司失去信心,所以无奈又要召开大会进行表决。我哋大厦成300伙业主,搅一次大会要浪费几多人力物力至得架?搅咗一轮得个吉,你话激唔激气吖!虽然市建局提供嘅资讯系帮到我哋,但系一次系咁,两次又系咁,都唔知佢哋系咪有心整蛊!」江太道。

「我哋嘅角色系中立嘅,绝对唔会偏帮任何一间顾问公司。我哋亦好明白平安大楼法团面对拣选顾问公司嘅烦恼,虽然知道佢哋搅一次业主大会系一件好困难嘅事,不过为咗要做好维修,我哋唯有硬住头皮建议佢地深思熟虑。」李世忠道。

柳暗花明又一村
第三次挑选,选了一间报价较为合理,及没有不良纪录的顾问公司。

「听咗市建局嘅意见,以及综合过去两次招标的经验,我哋终於拣到一间价钱合理嘅顾问公司,间公司好好㗎,啲野跟得好足,我地一班业主都好放心。」江太说。

结果经过约10个月的装修工程后,平安大楼脱胎换骨。

「整完又几鬼靓喎!听讲主席参考咗佢喺新加坡见到啲新楼嘅设计而谂出嚟,啲油嘅颜色又几高贵,成栋楼唔同晒!」业主陈太表示楼宇翻新后令住客住得开心。

「以前幢楼天花又漏水啲渠又塞,而家整好晒,放工返嚟见到都开心啲,真系多谢市建局帮手。」住户杨先生道。

「整好幢楼,楼价都升多啲啦」业主简先生道。

「今次真系要多谢市建局,如果唔系我地拣咗啲唔可靠嘅公司就有排烦喇!我个女住果幢楼就系搵咗原先第一次报价超平果间公司做顾问,结果维修费贵咗几倍,幢楼仲要整嚟整去都有手尾,真系贴钱买难受呀!」江太道。

「住户开心,我哋几辛苦都值得。好多居民开始时不断闹我地,到最后有商有量,明白我哋嘅苦心,呢啲就系我地工作所得到嘅满足感。」李世忠说。

 

项目资料

地址
九龙油麻地弥敦道383-389C号
建筑年份
1960
单位总数(住宅及非住宅)
334
最近大厦整体维修工程完成於
2012年12月
主要维修工程项目
 
  • 结构修葺
  • 公用地方外墙油漆
  • 公用地方内墙油漆
  • 更换排水渠管
  • 更换食水喉管
  • 更换冲厕喉管
  • 重铺天台防水层
  • 清拆违例建筑物
  • 消防装置改善
  • 更换消防门
  • 更换消防窗
平均每伙维修费用约
$32,000
备注:
上述资料仅作一般参考之用。市建局没有就上述资料的准确性或完整性,或在任何特定情况下使用的合适性作出任何明示或隐含的保证,亦无须对与上述资料或本网站有关的任何原故而引致的任何损失或损害负上责任。市建局保留修改上述资料的决定权。