阿嫲扮得靚 ，孫仔心驚驚。孫仔陳湛文發現，阿嫲馮素波成日著到花枝招展咁去紅磡，好雀躍咁上去樓宇復修資源中心，仲要入房！成件事仲要係自己老友嘉駿瞞住佢嘅悉心安排。好驚阿嫲有咗第二個嘅孫仔，一時激動同嘉駿幾乎大打出手。

究竟房入面有啲乜，令兩嫲孫咁緊張，事已至此，三個人嘅情義又點收科呢？

上集重溫：

「樓宇復修好戲系列」第二集 | 樓宇復修的闖關者

最鍾意打機闖關，又愛發白日夢嘅孫仔，誤打誤撞闖入咗一個神秘機關。佢發現至親隊友Anson 波、水雞駿同佢，一定要過關完成任務，將來先會有安樂日子過……

Game一開，三個人一條命，究竟點先可以突破重圍，搵到傳說中嘅KFC ？而佢哋知道所有秘密，都會喺「樓宇復修資源中心」入面搵到。至於搵唔搵到，就睇佢哋個心夠唔夠堅定喇。

「樓宇復修好戲系列」第一集 | 爺孫玩救層樓宇宙

阿嫲怪孫仔冇好好照顧層樓，擔心日久失修，但阿孫話知你。阿嫲惟有出動奧斯卡式大媽反轉宇宙大絕，帶孫仔去到未來，經歷好似地球末日嘅冧樓體驗……

媽，好亂呀！呀唔係，嫲，好亂呀！！究竟陳湛文係阿孫定阿爺，馮素波係阿嫲定係孫女，層樓係冇穿冇爛定冧咗？要解開謎底，睇嚟都要去一轉 #樓宇復修資源中心 先至搵到。

嗰度仲有好多支援業主做好樓宇復修嘅資料同貼士，想補救層樓唔使穿越，親身去「樓宇復修資源中心」就得㗎喇！